ಬ್ಯೂಟಿಫುಲ್ ಮನಸುಗಳು

ನಮ್ಮೂರಲ್ಲಿ ಚಳಿಗಾಲದಲ್ಲಿ ಮುಂಜಾವು ಮೂಡೋದೇ ಚಂದ
ಮಾರ್ಕೆಟ್ ರೋಡಲ್ಲಿ ಬಾಸ್ಕೆಟ್ ಹಿಡ್ಕೊಂಡು ನಮ್ ಹುಡ್ಗಿ ನಡೆಯೋದೇ ಅಂದ
ಮಾದೇವ್ನ ಜಾತ್ರೇಲಿ ಮುಳುಗ್ಹೋಗ್ಲಿ ಊರು
ಬೆರಳ್ಹಿಡಿದು ನಡಿತೀವಿ ನಾಚ್ಬೇಕು ತೇರು
ಬಡಿಸೋಳೆ ಕನ್ಸು ನೂರಾರು
ಮರೆತ್ಹೋಯ್ತು ಮುದ್ದೆ ಬಸ್ಸಾರು

ತುಟಿ ಮೇಲೆ ಜೇನು ಕೆಂದಾವರೆ ಶೈನು
ಮಾತೆಲ್ಲ ಮಿನಿ ಕೋಗಿಲೆ ಟ್ಯೂನು
ಮುದ್ದಾದ ಕಣ್ಣು ಏನ್ಹೇಳ್ಲಿ ನಾನು
ಹುಬ್ಬೆರಡೂ ರಂಗೋಲಿ ಲೈನು
ಆ ಕಿರು ನೋಟ ಮತ್ತೇರಿಸೋ ವೈನು
ಬಿದ್ದಾಯ್ತು ಕಾಡಿಗೆಯ ಸೈನು
ಮುತ್ತಲ್ಲೇ ಕಟ್ಟುವೆನು ಫೈನು

ನಾಕಾಣೆಯಲ್ಲೂ ಚೌಕಾಸಿ ಮಾಡಿ ನಡಸ್ತಾಳೆ ಸಂಸಾರ ನೌಕೆ
ಶೋಕಿಗೆ ಸಾಲ ಶೋಕಕ್ಕೆ ಮೂಲ
ಅಂತಾಳೆ ಆಗಾಗ ಈಕೆ
ನೀ ನನ್ನ ಉಳಿತಾಯ ಶಾಖೆ
ಇದಕ್ಕಿಂತ ಸೌಭಾಗ್ಯ ಬೇಕೇ
ಈ ನಿನ್ನ ಸಾಂಗತ್ಯ ಸಾಕೆ

ಬಡವನಾದರೆ ಏನು ಪ್ರಿಯೆ

ಬಡವನಾದರೆ ಏನು ಪ್ರಿಯೆ
ಕೈ ತುತ್ತು ತಿನ್ನಿಸುವೆ
ಎದೆಯ ತುಂಬಾ ಒತ್ತಿಕೊಂಡು
ಮುತ್ತು ಮಳೆಯ ಸುರಿಸುವೆ

ನನ್ನ ಎದೆಯ ರಾಜ್ಯದಲ್ಲಿ
ನೀನು ರಾಣಿ ಆಗುವೆ
ಪುಟ್ಟ ಗುಡಿಸಲಲ್ಲಿ ನಿನ್ನ
ಪಟ್ಟದರಸಿ ಮಾಡುವೆ

ಉಳ್ಳವರ ಎದೆಗೆ ಒದ್ದು
ಮೈ-ಮಾನ ಮುಚ್ಚುವೆ
ರಟ್ಟೆ ಮೇಲೆ ಹೊತ್ತು ನಿನ್ನ
ಜಗವ ಸುತ್ತಿ ತಣಿಸುವೆ

ಬೆವರು ಹರಿಸಿ ಹೂವ ಬೆಳೆಸಿ
ಮುಡಿಯಲ್ಲಿಟ್ಟು ನಗಿಸುವೆ
ಭುಜಕೆ ಭುಜವ ಹಚ್ಚಿ ನಿಂತು
ತೋಳು ಬಂಧಿ ತೊಡಿಸುವೆ

ಹರಿವ ನದಿಗೆ ಅಡ್ಡ ನಿಂತು
ನಿನಗೆ ದಾರಿ ಮಾಡುವೆ
ಬಿಸಿಲು ಮಳೆಯ ಚಳಿಯ ನುಂಗಿ
ನೆರಳು ಬೆಳಕು ಆಗುವೆ