ಬಾನಿಗೊಂದು ಎಲ್ಲೆ ಎಲ್ಲಿದೆ

ಹೇ..............         ಹಾ.............

ಬಾನಿಗೊಂದು ಎಲ್ಲೆ ಎಲ್ಲಿದೆ ನಿನ್ನಾಸೆಗೆಲ್ಲಿ ಕೊನೆಯಿದೆ

ಏಕೆ ಕನಸು ಕಾಣುವೆ ನಿಧಾನಿಸು ನಿಧಾನಿಸು

ಆಸೆಯೆಂಬ ಬಿಸಿಲು ಕುದುರೆ ಏಕೆ ಏರುವೆ

ಮರಳುಗಾಡಿನಲ್ಲಿ ಸುಮ್ಮನೇಕೆ ಅಲೆಯುವೆ

ಅವನ ನಿಯಮ ಮೀರಿ ಇಲ್ಲಿ ಏನೂ ಸಾಗದು

ನಾವು  ನೆನಸಿದಂತೆ ಬಾಳಲೇನು ನಡೆಯದು

ವಿಷಾದವಾಗಲಿ, ವಿನೋದವಾಗಲಿ

ಅದೇನೆ ಆಗಲಿ ಅವನೇ ಕಾರಣ ||ಬಾನಿಗೊಂದು||

ಹುಟ್ಟು ಸಾವು ಬಾಳಿನಲ್ಲಿ ಎರಡು ಕೊನೆಗಳು

ಬಯಸಿದಾಗ ಕಾಣದಿರುವ ಎರಡು ಮುಖಗಳು

ಹರುಷವೊಂದೇ ಯಾರಿಗುಂಟು ಹೇಳು ಜಗದಲಿ

ಹೂವು ಮುಳ್ಳು ಎರಡು ಉಂಟು ಬಾಳ ಲತೆಯಲಿ

ದುರಾಸೆಯೇತಕೆ, ನಿರಾಸೆಯೇತಕೆ

ಅದೇನೆ ಬಂದರು ಅವನ ಕಾಣಿಕೆ ||ಬಾನಿಗೊಂದು||